18 जणांना कोरोनाची लागण
रत्नागिरी:- मागील 24 तासात जिल्ह्यात 18 जणांना कोरोनाची लागण झाली आहे. तर याच कालावधीत तब्बल 953 जणांचे अहवाल निगेटिव्ह आले आहे. 24 तासात एकाही रुग्णाचा उपचारा दरम्यान मृत्यू झाला नाही. आतापर्यंत कोरोनाने जिल्ह्यात 343 बळी घेतले आहेत.
मागील 24 तासात नव्याने 18 रुग्ण सापडल्याने जिल्ह्यात आतापर्यंत 9 हजार 463 पॉझिटिव्ह रुग्ण सापडले आहेत. मागील चोवीस तासात 953 जणांचा अहवाल निगेटिव्ह आला आहे. आता पर्यंत 65 हजार 759 जणांचा अहवाल निगेटिव्ह आला आहे.
चोवीस तासात 9 रुग्ण बरे झाले असून आता पर्यंत 9 हजार 11 जण कोरोनामुक्त झाले आहेत. मागील चोवीस तासात जिल्ह्यात एकाही रुग्णाचा उपचारा दरम्यान मृत्यू झाला नाही. जिल्ह्यात कोरोना बळींची संख्या 343 इतकी आहे. जिल्ह्यात कोरोना रिकव्हरी रेट 95.22 टक्के आहे.
