रत्नागिरी:- जिल्ह्यात कोरोनाचे संक्रमण दिवसेंदिवस मोठ्या प्रमाणावर वाढू लागले आहे. मागील 24 तासात जिल्ह्यात 87 नवे पॉझिटिव्ह तर दोन दिवसात 181 पॉझिटिव्ह रुग्ण सापडले आहेत. 87 पैकी 43 जण आरटीपीसीआर चाचणी केलेले तर 44 रुग्ण अँटीजेन टेस्ट केलेले आहेत. आज चिपळूण तालुक्यात सर्वाधिक 32 रुग्ण आढळून आले.
पॉझिटिव्ह रुग्णांचा वाढता आकडा चिंताजनक असून बुधवारी जिल्ह्यात 87 नव्या रुग्णांची भर पडली. मंगळवारी जिल्ह्यत 94 पॉझिटिव्ह रुग्ण सापडले होते. यामुळे आता जिल्ह्यातील पॉझिटिव्ह रुग्णांची संख्या आता 11 हजार 029 वर जाऊन पोहचली आहे. मंगळवारी आलेल्या अहवालात 43 रुग्ण आरटीपीसीआर चाचणीत तर 44 रुग्ण अ‍ॅन्टीजेन चाचणीत पॉझिटिव्ह सापडले आहेत. जिल्ह्यात आज 862 जणांचे कोरोना अहवाल निगेटिव्ह आले आहेत तर आतापर्यंत एकूण 100286 अहवाल निगेटिव्ह आले आहेत.
चोवीस तासात 30 रुग्ण बरे झाले असून आतापर्यंत 10 हजार 105 जण कोरोनामुक्त झाले आहेत. जिल्ह्यात कोरोना रिकव्हरी रेट 91.62 टक्के आहे. मागील चोवीस तासात जिल्ह्यात कोरोनाने एकाही रुग्णाचा बळी गेला नसूूून जिल्ह्यात कोरोना बळींची संख्या 376 इतकी आहे.
जिल्ह्यातील आज सापडलेल्या 87 पॉझिटिव्ह रुग्णांमध्ये रत्नागिरी तालुक्यातील 13, दापोली 16, खेड 13, गुहागर 4, चिपळूण 32, राजापूर 1, लांजा 2 आणि संगमेश्वर तालुक्यात 6 रुग्ण सापडले आहे. जिल्ह्यात कोरोना संक्रमित होण्याचे प्रमाण 9.91% आहे.
