रत्नागिरी:- जिल्ह्यात मागील चोवीस तासात तब्बल 720 जणांचा कोरोना अहवाल निगेटिव्ह आला असून 14 कोरोना पॉझिटिव्ह रुग्ण सापडले आहेत. नव्याने सापडलेल्या रुग्णांमध्ये रत्नागिरी तालुक्यातील सर्वाधिक 9 बाधितांचा समावेश आहे. मागील चोवीस तासात एकाही रुग्णाचा उपचारा दरम्यान मृत्यू झालेला नाही.
शाळा सुरु होत असल्याने शिक्षकांच्या कोविड चाचण्या मोठ्या प्रमाणात सुरु आहेत. मागील चोवीस तासात तब्बल 720 जणांचा कोरोना अहवाल निगेटिव्ह आले आहेत. आतापर्यंत 52 हजार 254 जणांचा अहवाल निगेटिव्ह आला आहे. नव्याने 14 रुग्ण सापडल्याने जिल्ह्यात आतापर्यंत 8 हजार 653 पॉझिटिव्ह रुग्ण सापडले आहेत.
चोवीस तासात तब्बल 3 रुग्ण बरे झाले असून आता पर्यंत 8 हजार 161 जण कोरोनामुक्त झाले आहेत. मागील चोवीस तासात जिल्ह्यात कोरोनाने एकाही रुग्णाचा मृत्यू झालेला नाही. जिल्ह्यात कोरोना रिकव्हरी रेट 94.31 टक्के आहे.
नव्याने सापडलेल्या रुग्णांमध्ये रत्नागिरीतील 9,
दापोली 1, गुहागर 1 आणि चिपळूण तालुक्यातील 3 जणांचा समावेश आहे. रत्नागिरी तालुक्यात गेल्या तीन दिवसांत तब्बल 25 कोरोनाग्रस्त सापडले आहेत.
