रत्नागिरी:- जिल्ह्यात सापडणाऱ्या रुग्णसंख्येत घटतीच असली आहे. रविवारी आलेल्या अहवालानुसार जिल्ह्यात 1284 तपासण्यांमध्ये 96 पॉझिटिव्ह रुग्ण सापडले आहेत. तर एका मृत्यूची नोंद करण्यात आली आहे.
जिल्ह्यात 24 तासात 234 रुग्ण कोरोनामुक्त झाले आहेत. आतापर्यंत 80 हजार 189 रुग्ण उपचाराअंती बरे झाले आहेत. जिल्ह्यात कोरोनामुक्तीचे प्रमाण 95.78 टक्के आहे. नव्याने 96 पॉझिटिव्ह रुग्ण सापडल्याने एकूण बाधित रुग्णसंख्या 83 हजार 718 इतकी झाली आहे.
जिल्ह्यात कोरोनाने आतापर्यंत 2 हजार 512 जणांचा कोरोनाने मृत्यू झाला आहे. जिल्ह्याचा मृत्युदर 3.00 टक्के आहे. जिल्ह्यात गृह विलगीकरणात 568 तर संस्थात्मक विलगीकरणात 342 रुग्ण उपचार घेत आहेत.
