रत्नागिरी:- हे नाम रे…सबसे बड़ा तेरा नाम… शेरोवली… उँचे दरोवली… आदी गीतांच्या ठेक्यावर थिरकणारी तरूणाई आता सोशल डिस्टन्सिंगचे पालन करीत नवरात्र उत्सव साजरा करणार आहेत. यावेळी सर्वच कार्यक्रमांवर बंदी आल्याने केवळ घटस्थापना व मूर्ती पूजा केली जाणार आहे. जिल्ह्यात उद्या शनिवारी ३६३ ठिकाणी दूर्गामातेच्या मूर्तींची प्रतिष्ठापना ९० ठिकाणी फोटो पूजन, ३६ हजार ६२९ ठिकाणी खाजगी तर १७४ ठिकाणी सार्वजनिक घटस्थापना करण्यात येणार आहे. तब्बल ३२ ठिकाणी गरबाचे आयोजन करण्यात आले आहे.
कोकणामध्ये पूर्वी ग्रामदेवतांच्या मंदिरांपुरताच घटस्थापना करण्यापर्यंत उत्सव मर्यादीत होता. मात्र ग्रामदेवतांच्या मंदिरांमध्ये घटस्थापना करण्याबरोबरच एखाद्या वाडीवस्तीवर देवीची मूर्ती आणून तिची स्थापना करून, दांडीयाचे कार्यक्रम आयोजित करण्याची प्रथा मागील काही कालावधीपासून वाढीस लागली आहे. काही भागांमध्ये मात्र ग्रामदेवतांच्या मंदिरासमोरच हा उत्सव मोठ्या प्रमाणात साजरा केला जातो. शहरांमध्ये मात्र गल्लोगल्ली व काही भागांमध्ये उत्सव साजरे करण्याचे प्रमाण वाढले आहे. जिल्ह्यात ३६३ ठिकाणी देवींच्या मुर्तींची प्रतिष्ठापना केली जाणार आहे. ९० ठिकाणी देवीच्या फोटोंचे पूजन केले जाणार आहे. ३६ हजार ६२९ ठिकाणी खाजगी तर १७४ ठिकाणी सार्वजनिक घटस्थापना केली जाणार आहे.
रत्नागिरी शहरातदेखील मागील काही वर्षात नवरात्रोत्सव मोठ्या प्रमाणावर साजरा करण्याची प्रथा सुरू झाली आहे. नवरात्र उत्सव मंडळांसह अनेक ठिकाणी दांडीया स्पर्धेचे आयोजन करण्यात येत असल्याने या उत्सवाची रंगत आणखी वाढत आहे. दांडीया स्पर्धेत विशेष करून युवा पिढीचा सहभाग अधिक असल्याने राजकीय मंडळीदेखील या उत्सवाचा राजकीय फायदा करून घेण्यास पुढे सरसावलेले दिसून येतात. जिल्ह्यात यावर्षी ३६३ ठिकाणी दुर्गामातेच्या मूर्तीची प्रतिष्ठापना होणार आहे. यामध्ये रत्नागिरी शहरात ४८ ठिकाणी, ग्रामीण पोलीस स्थानक ६४, जयगड २१, संगमेश्वर ११, राजापूर ८, नाटे ११, लांजा १५, देवरूख २३, सावर्डे २, चिपळूण १५, गुहागर २०, अलोरे ७, खेड २०, दापोली ३३, मंडणगड ३०, बाणकोट ११, दाभोळ २, पूर्णगड २२ ठिकाणी दूर्गामातेच्या मूर्तीची प्रतिष्ठापना करण्यात येणार आहे. ९० ठिकाणी प्रमितांचे पुजन तर ३६ हजार ६२९ ठिकाणी खाजगी तर १७४ ठिकाणी सार्वजनिक घटस्थापना केली जाणार आहे.
