रत्नागिरी:- रत्नागिरीसह राज्यातील जिल्हा परिषदेच्या रिक्त जागांसाठी या महिनाअखेर अथवा पुढील महिन्यांच्या पहिल्या आठवड्यात जाहिरात प्रसिध्द होणार आहे. यादृष्टीने राज्य सरकारच्या ग्रामविकास विभागाच्या हालचाली झाल्या सुरू असून जिल्हा परिषद अंतर्गत गट क मधील सर्व संवर्गातील ( वाहन चालक व गट ड संवर्गातील पदे वगळून) सरळसेवेची रिक्त पदे भरण्याबाबतचा अध्यादेश प्रसिध्द झाला आहे.
रत्नागिरी जिल्हा परिषदमध्ये साधारण 700 पेक्षा जास्त जागा रिक्त असल्याचे सांगितले जात आहे. दोन दिवसात अंतिम आकडा निश्चित होणार आहे.
झेडपीच्या भरतीसाठी डिसेंबर 2023 पर्यंत खुल्या प्रवर्गासाठी वयोमर्यादा ही 40 आणि मागास प्रवर्गासाठी 45 वर्षे करण्यात आली आहे. दरम्यान, जिल्हा परिषदेच्या मंजूर रोस्टरनुसार दोन दिवसांत रिक्त जागांचा तपशील मिळणार असल्याची माहिती सुत्रांनी दिली. साधारण 700 पेक्षा जास्त जागा रिक्त असल्याचे सांगितले जात आहे. जिल्हा परिषदेच्या सर्व विभागांपैकी चार विभागांचे रोस्टर विभागीय आयुक्त कार्यालयाकडून तपासणी करण्यात आले असून त्याला मान्यता मिळणार आहे.
दरम्यान, रिक्त जागा अंतिम झाल्यावर झेडपीचा सामान्य प्रशासन विभाग राज्य शासनाच्या मान्यतेने भरतीसाठी या महिनाअखेर अथवा पुढील महिन्याच्या पहिल्या आठवड्यात जाहिरात प्रसिध्द करणार आहे.
दुसरीकडे होणार्या संभाव्य भरतीसाठी ग्रामविकास विभागाने सविस्तर अध्यादेश काढला आहे. यात भरतीमधील उमेदवारांच्या वयोमर्यादा देखील निश्चित करण्यात आल्या आहेत. कोविडमुळे दोन वर्षे वाय गेल्याने जिल्हा परिषद भरतीसाठ इच्छुक असणार्या उमदेवारांसाठी दोन वर्षे वयोमर्यादा वाढवण्यात आली आहेत.
