शिक्षक, ग्रामसेवकांचा समावेश
रत्नागिरी
रत्नागिरी:- जिल्हा परिषदेच्या सामान्य प्रशासन विभागाने दिलेल्या माहितीनुसार, सध्या सात कर्मचाऱ्यांवर विभागीय आणि खातेनिहाय चौकशा सुरू आहेत. यामध्ये विद्यार्थ्यांना मारहाण करणारे शिक्षक, प्रशासनाविरोधात आक्षेपार्ह लिखाण करणारे शिक्षक, तसेच अनियमित कारभार करणारे ग्रामसेवक यांचा समावेश आहे. विशेष म्हणजे, काही शिक्षकांची ही दुसरी खातेनिहाय चौकशी आहे.
जिल्हा परिषदेच्या विविध विभागांमधील कारभारावर सामान्य प्रशासनाचा अंकुश असतो. त्यामुळे कोणत्याही विभागात अनियमितता आढळून आल्यास किंवा तक्रार प्राप्त झाल्यास तातडीने चौकशी लावली जाते. याच अनुषंगाने सध्या सुरू असलेल्या चौकशांमध्ये सात कर्मचाऱ्यांचा समावेश आहे. शिक्षण विभागातील चार शिक्षकांवर सध्या खातेनिहाय चौकशी सुरू आहे. यापैकी काही शिक्षकांवर विद्यार्थ्यांना मारहाण केल्याच्या गंभीर तक्रारी आहे. प्रशासनाविरोधात आक्षेपार्ह लिखाण करणाऱ्या शिक्षकाची पुन्हा चौकशी. एका निलंबित झालेल्या शिक्षकावर प्रशासनाविरोधात आक्षेपार्ह लिखाण केल्याचा ठपका ठेवण्यात आला असून, त्याची पुन्हा चौकशी सुरू झाली आहे. लांजा येथील एका ग्रामसेवकाने केलेल्या अनियमित कारभाराविरुद्ध चौकशी सुरू करण्यात आली आहे. दोन शिक्षकांवर विभागीय चौकशी सुरू असून, यामध्ये काही शिक्षकांनी विद्यार्थ्यांना मारहाण केल्याचीही चौकशी सुरू आहे.
या चौकशांमुळे जिल्हा परिषदेच्या कारभारात पारदर्शकता आणण्याचा आणि अनियमिततांना आळा घालण्याचा प्रयत्न केला जात असल्याचे दिसून येते. या चौकशांचे निकाल काय लागतात आणि संबंधित कर्मचाऱ्यांवर काय कारवाई होते, याकडे आता सर्वांचे लक्ष लागले आहे.
