रत्नागिरी:- बुधवारी पहाटे शहरानजिकच्या शेट्येनगर येथील चाळीत झालेल्या अतिशय शक्तीशाली स्फोटाने गंभीर भाजलेल्या घरमालक अशफाक काझी यांचा उपचारादरम्यान कोल्हापूर येथील शासकीय रुग्णालयात रविवारी रात्री 10 वाजता मृत्यू झाला. त्यामुळये एकूण मृत्युची संख्या तीन झाली आहे.
बुधवारी पहाटे लिकेज झालेल्या गॅसच्या स्फोटामुळे चाळीचा स्लॅब उडाला होता तर कोसळलेल्या स्लॅबखाली सापडून अशफाक काझी यांची पत्नी कनिज काझी, सासू नुरूनिस्सा अलजी यांचा मृत्यू झाला होता . तर वडील- मुलगा गंभीर जखमी झाले होते. अशफाक काझी गंभीर भाजल्याने त्यांना कोल्हापुर येथील सीपीआर रुग्णालयात दाखल करण्यात आले होते. त्यांच्यावर उपचार सुरू असताना रविवारी रात्री दहा वाजता त्यांचा मृत्यू झाला. उद्या सोमव्वरी रत्नागिरीत त्यांच्यावर अंत्यसंस्कार होणार आहेत. रिक्षा व्यावसायिक असलेल्या अशपाक काझी यांचा मृत्यू झाल्याने रिक्षाव्यवसायिकांमध्ये दुःखाची छाया पसरली आहे.
