रत्नागिरी:- कोकण रेल्वे मार्गावरून धावणारी कोकणकन्या एक्स्प्रेस आता सुपरफास्ट झाली आहे. त्यामुळे या गाडीतून प्रवास करणाऱ्या प्रवाशांचा प्रवास आणखी वेगवान आणि सुखकर होणार आहे. कोकण रेल्वे प्रशासनाने सुपरफास्ट श्रेणीत समावेश केलेल्या कोकणकन्या एक्स्प्रेसच्या वेळापत्रकामध्ये आणि गाडी क्रमांकात बदल झाला आहे.
देण्यात आलेल्या माहितीनुसार 20 जानेवारी 2023 पासून कोकणकन्या एक्स्प्रेस ही सुपरफास्ट म्हणून धावणार आहे. सुपरफास्ट श्रेणीत समावेश झाल्याने कोकणकन्या एक्स्प्रेसचा क्रमांक बदलला असून, कोकणी प्रवाशांना तोंडपाठ असलेल्या 10111 आणि 10112 या प्रचलित क्रमांकाऐवजी 20111 आणि 20112 या क्रमांकांसह धावणार आहे.
सुपरफास्ट श्रेणीमध्ये समावेश झाल्याने कोकणकन्या एक्स्प्रेसच्या वेळापत्रकामध्येही बदल झाला आहे. मुंबईवरून मडगावसाठी निघणारी 20111 ही कोकणकन्या एक्स्प्रेस सीएएसएमटी स्थानकातून रात्री 11.05 वाजता निघेल. त्यानंतर ही गाडी दादर (11.07), ठाणे (11.45), पनवेल (12.25), खेड (3.04), चिपळूण (3.30), संगमेश्वर (4.02), रत्नागिरी (4.45), राजापूर (5.50), वैभववाडी (6.10), कणकवली (6.42), सिंधुदुर्ग (7.00), कुडाळ (7.12), सावंतवाडी (7.32), पेडणे (7.56) आणि मडगाव (9.46) येथे पोहोचेल.
तर मडगावहून मुंबईकडे निघणारी 20112 ही गाडी मडगावहून संध्याकाळी 7.00 वाजता निघेल. ही गाडी सावंतवाडी ( रात्री 8.36), कुडाळ (रात्री 9.00), सिंधुदुर्ग (रात्री 9.12), कणकवली (रात्री 9.28), वैभववाडी ( रात्री 9.56), राजापूर (रात्री 10.14), रत्नागिरी (रात्री 23.15), चिपळूण (रात्री 12.28), खेड (रात्री 12.55), पनवेल ( पहाटे 3.55), ठाणे (पहाटे 4.42), दादर (पहाटे 5.12), मुंबई सीएसएमटी (पहाटे 5.40) वाजता पोहोचेल.
