चिपळूण:- मुंबई-गोवा महामार्गावरील चिपळूण बहादूरशेखनाका येथे कोसळलेल्या उड्डाणपुलाचे काम करणारी मूळ ठेकेदार कंपनी तसेच पोट ठेकेदार कंपनी व संबंधित सल्लागार कंपनीला देखील शासनाने करणे दाखवा नोटीस बजावली आहे. येत्या दोन दिवसात केंद्रीय समिती देखील चिपळूण मध्ये येणार असून पाहणी करणार आहे.
मुंबई-गोवा महामार्गावर चिपळूण बहादूरशेख ते प्रांत कार्यालय असा सुमारे १.८३ किलोमीटर चा उड्डाणपूल उभारला जात आहे.पुलाच्या पिलरवर गर्डर चढवण्याचे काम सुरू असतानाच सोमवारी दुपारी पुलाचा काही भाग कोसळला. त्यामुळे साहजिकच कामाच्या दर्जाबाबत शंका उपस्थित होऊ लागल्या.
या उड्डाणपुलाचा मूळ ठेका एका ठेकेदाराकडे तर पोट ठेका दुसऱ्या कंपनीकडे देण्यात आला आहे. आता शासनाने मूळ ठेकेदार तसेच पोट ठेकेदाराला पूल कोसळल्याबाबत कारणे दाखवा नोटीस बजावली आहे.
राज्य शासनाने दखल घेतल्यानंतर आता केंद्र शासनाने देखील गंभीर दखल घेतली आहे. येत्या दोन दिवसात केंद्रीय समिती चिपळूणमध्ये येत असून कोसळलेल्या उड्डाणपुलाची पाहणी ही समिती करणार आहे.
