लांजा:– अल्पवयीन मुलीला जबरदस्तीने पळवून नेऊन विविध ठिकाणी जबरदस्तीने शारीरिक संबंध ठेवणाऱ्या आरोपीला पॉक्सो विशेष न्यायालयाने १० वर्षे सक्तमजूरी व ३७ हजार रुपयांच्या दंडाची शिक्षा ठोठावली.
समीर शशिकांत जाधव (वय २१, रा. शिपोशी, ता. लांजा) असे आरोपीचे नाव आहे. ही घटना २४ ऑगस्ट २०१८ ला शिपोशी येथे घडली होती. पिडीत अल्पवयीन मुलगी कॉलेजला शिकत होती सायकाळी घरी येत असे. संशयिताने तिचे अपहरण केले होते. या प्रकरणी लांजा पोलिस ठाण्यात फुस लाऊन पळवून नेल्या प्रकरणी गुन्हा दाखल करण्यात आला होता. पोलिसांनी शोध घेतला असता मुलगी शशिकांत भिकाजी जाधव (रा. बौद्धवाडी- शिपोशी) यांच्या घरात सापडली होती. आरोपी समीर जाधव याची पोलिस ठाण्यात चौकशी केल्यानंतर २०१७ ला एका लग्नात पिडीत मुलगी व आरोपी यांची ओळख झाली होती. प्रेम संबंध जुळून आले होते. त्यानंतर आरोपीने तिला लग्नाचे अमिष दाखवून १६ जून २०१८ या कालवधीत आरोपीने जबरदस्तीने कॉलेजमध्ये जाऊन त्याच्या गावी शिपोशी येथे घेऊन गेला आणि मुलीशी विविध ठिकाणी शारिरीक संबध ठेवले होते. तसेच शिवीगाळ करुन तिला ठार मारण्याची धमकी देत असे. पिडीत मुलीची वैद्यकीय तपासणीत मुलगी गरोदर असल्याचे समजले. या प्रकरणी पिडीत मुलीच्या वडिलांनी लांजा पोलिस ठाण्यात तक्रार दिली.
तक्रारीवरून पोलिसांनी भादवी कलम ३६३, ३७६, ५०४,५०६ तसेच लैंगिक अत्याचारापासून बालकाचे संरक्षण कायदा २०१२ (पॉक्सो) (३) (४) अन्वये गुन्हा दाखल केला होता. तपास लांजा पोलिस ठाण्याच्या तत्कालीन पोलिस उपनिरीक्षक रेखा जाधव करत होत्या. तपासात पोलिसांनी आरोपीला अटक करुन दोषारोपपत्र न्यायालयात दाखल केले होते . आज या खटल्याचा निकाल पॉक्सो विशेष न्यायालयात झाला. या खटल्यात सरकारी पक्षातर्फे १५ साक्षिदार तपासण्यात आले. सहायक सरकारी अभियोक्ता अँड. अनुपमा योगेश ठाकूर यांनी काम पाहिले. तर पैरवी म्हणून पोलिस नरेश कदम यांनी मदत केली. न्यायालयाने आरोपीला १० वर्षे सक्तमजूरी व ३७ हजार रुपयांचा दंड ठोठावला आहे.
