संगमेश्वर:- संगमेश्वर तालुक्यातील उजगावकरवाडी येथील रहिवासी रोहिदास प्रवीण उजगावकर (वय ३५ वर्षे) हे दि. १० जुलै रोजी राहत्या घरातून बाहेर पडल्यानंतर बेपत्ता झाले असून, त्यांचा अद्याप कोणताही ठावठिकाणा लागलेला नाही. याप्रकरणी संगमेश्वर पोलीस ठाण्यात नापत्ता नोंद करण्यात आली असून पोलिसांकडून त्यांचा कसून शोध सुरू आहे.
रोहिदास उजगावकर यांच्या शोधासाठी संगमेश्वर पोलीस विविध माध्यमांतून माहिती संकलित करत आहेत. बेपत्ता व्यक्तीबाबत कोणतीही माहिती उपलब्ध झाल्यास ती तात्काळ पोलिसांपर्यंत पोहोचवावी, असे आवाहन करण्यात आले आहे. नागरिकांच्या सहकार्यामुळे अशा प्रकरणांचा तपास अधिक जलद होण्यास मदत होते, त्यामुळे कोणतीही छोटी-मोठी माहितीही महत्त्वाची ठरू शकते, असे पोलिसांनी नमूद केले आहे.
रोहिदास उजगावकर हे कोठेही आढळल्यास किंवा त्यांच्या हालचालींबाबत कोणतीही माहिती मिळाल्यास वेळ न दवडता संगमेश्वर पोलीस ठाण्याशी संपर्क साधावा. तसेच माहिती देणाऱ्या नागरिकांनी तपासी अधिकाऱ्यांशी थेट संपर्क साधण्याचे आवाहनही करण्यात आले आहे. या प्रकरणाचा तपास कोलगे करीत असून, अधिक माहितीसाठी मोबाईल क्रमांक ७४९९७१००५० वर संपर्क साधावा, असे संगमेश्वर पोलिसांनी कळविले आहे.
